Appel da Casting Rumantsch

PER IL FILM DA KINO «IN ONN SENZA STAD» NUS TSCHERTGAIN: - MATTETTAS E GIUVNAS DA 13 FIN 18 ONNS PER LA ROLLA PRINCIPALA FEMININA - UFFANTS E GIUVENILS DA 5 FIN 20 ONNS PER GRONDAS ROLLAS SECUNDARAS - CRESCHIDS DA TUT LAS VEGLIADETGNAS PER DIFFERENTAS ROLLAS SECUNDARAS Per il film da kino istoric en rumantsch IN ONN SENZA STAD da Flurin Giger tschertgain nus umans da tut las vegliadetgnas che discurran rumantsch, tut ils idioms èn bainvegnids. Ti na dovras nagina experientscha sco actura u actur. Nus ans legrain en spezial da persunas cun experientscha en l'agricultura, la mastergnanza u in'autra lavur corporala sco era da fatschas e persunalitads spezialas. Il cuntegn en furma concisa: 1816 - Suenter l'erupziun d'in vulcan en l'Indonesia passenta ina giuvna figlia da purs e sia gronda famiglia ina stad senza sulegl. Cumenzament da la filmada: primavaira 2027 Annunzia sin: glausundgutcasting.ch/kartei Fin il pli tard il 01-07-2026