Re-use & Repair – Penser da nouv las textilias

Lavuratori da textilias cun la giuvna designra da moda Julia Seemann da Turich: Düraunt tschientiners d'eiran textilias ogets prezius. Vstieus gnivan purtos, reparos e müdos düraunt temps pü lungs. Luxus nu significhaiva abundanza, dimpersè düreda, qualited artisanala e stima da lavur e materiel. Che significhan qualited, valur e luxus illa moda hozindi? Cu e perche s'ho nossa relaziun cun vstieus müdeda telmaing? Il lavuratori Re-use & Repair s'occupa da quistas dumandas a maun da differentas perspectivas colliedas cun pusiziuns da l'istorgia da la moda e dal preschaint. Consciaintamaing vaina lavuro sainza maschina da cusir: Cun simplas tecnicas artisanalas exploreschan partecipantas e partecipants, cu cha valur nascha da nouv e cu cha l'individualited dvainta üna fuorma da luxus in ün muond da moda cun svelts müdamaints, caracteriso da la producziun in massa. Julia Seemann (*1990) s'ho fatta ün nom cul Premi VFiles Made Fashion e sia preschantaziun düraunt la New York Fashion Week.