HINTERBERGEN

Jacques Guidon, l'artist multifar da Zernez, avess festivà quest onn ses 95avel anniversari. Quai prendan la CHESA GREGORI ZUOZ, la gallaria LA SUOSTA Madulain e l'ensemble «LÄSER&BÄRTSCH TanzTheater» sco chaschun per contemplar cun egliada frestga vita ed ovra da quest artist. Il toc da saut/teater HINTERBERGEN vegn mussà en il clavà da la Chesa Gregori a Zuoz. Inspirà da Jacques Guidon sa fatschenta l’ensemble cun il far art en ina regiun perifera alpina, lunsch davent da citads e centers d’aglomeraziun culturala. Sin tribuna stattan Astrid Alexandre, Ivo Bärtsch, Riikka Läser e Bonnie Paskas. Costums e tribuna schaian en ils mauns da Carline van Oel. --> Las represchentaziuns dal toc vegnan accumpagnadas d’ina exposiziun d’ovras entitulada WANDEL HINTER DEN BERGEN. Las ovras èn da contemplar en la gallaria LA SUOSTA ed en la CHESA GREGORI. --> Suenter la represchentaziun dals 22.08 datti ina runda da discussiun ed ina tschaina cun tratgas preferidas da Jacques Guidon.