Café rumantsch en il «Städtli»

Ils Cafés rumantschs èn in lieu per discurrer rumantsch, tant per la glieud indigena sco era per persunas ch'emprendan la lingua. Els promovan il barat linguistic e cultural tranter la populaziun locala e las persunas nov-arrivadas. A partir dal settember organisescha la Lia Rumantscha in nov Café rumantsch en la citad veglia da Glion. Il Café rumantsch vegn a rotar ed ha lieu mintga mais en in’autra localitad en il «Städtli».