Atelier rumantsch

Co tunan las muntognas? Nus explorain las cuntradas da la collecziun. Tge ramurs scuvrin nus en quest connex? Ina promoziun linguistica tut speziala metta il Museum d'art dal Grischun a disposiziun cun la purschida da l'intermediaziun d'art en rumantsch. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa.