Ir, ir, restar – per l’art

La curatura Josiane Imhasly maina dapi in onn la Fundaziun Nairs, l’artista Kim Lang viva dapi intgins onns a Lavin, e Ladina Gaudenz, ch’è oriunda da Scuol, ha bandunà la val avant blers onns ed è s’etablida a Genevra. Co che l’Engiadina Bassa sco spazi da lavur e lieu da retratga caracterisescha sias vias da viver e sia pratica artistica sco er la lavur actuala dad auters artists, da quai discurran las trais artistas cun la moderatura ed artista Flurina Badel ch’è turnada en la val suenter onns da viandar. Quest discurs è ina part integrala dal project da Visarte Grischun «Atelier avert – crear art en il focus» en la regiun Engiadina Bassa, Val Müstair dals 3 fin ils 18 d’october 2026.