Dis da litteratura

Ils Dis da litteratura festiveschan il 2026 lur 35avla ediziun. En il center stattan novas publicaziuns rumantschas, performances litteraras sco era projects da barat sur ils cunfins linguistics. In highlight spezial è la concurrenza da scriver «Premi Term Bel», nua ch'i vegnan preschentads, discutads e premiads novs texts curts rumantschs. La sonda saira envida ad in'occurrenza da giubileum multimediala musical-litterara. La dumengia sa deditgescha cumplettamain a la litteratura per uffants e giuvenils cun preschentaziuns interactivas da cudeschs sco er cun ina discussiun da podium cun autur:as ed editur:as che discutan la rolla, l’impurtanza, ma era las sfidas e las pretensiuns da quest gener. Tranter prelecziuns, discurs ed inscunters nascha in lieu, nua che differentas vuschs, generaziuns e regiuns vegnan ensemen. In lieu avert per tut quel:las che na vulan betg mo leger, mabain viver litteratura. Il program detaglià vegn publitgà la fin da la stad.