Viseta sur cunfins I Besuch über die Grenzen

Il Chor Surselva selegra da presentar a Vus il project communabel dil Chor Surselva cul chor canades Edmonton Swiss Men’s Choir (ESMC). EDMONTON SWISS MEN'S CHOIR (ESMC): Il ESMC ei vegnius fundaus igl onn 1980 duront in event da Svizzers egl exteriur ad Alberta dad ina gruppa da cantadurs passiunai canades/svizzers. Dapi lu fascinescha quei chor siu publicum en gl’entir Canada ed egl exteriur. Il zercladur 2026 vegn el a passentar en Svizra, aschia che vegnin ad haver la pusseivladad da sescuntrar. CHOR SURSELVA: Il chor romontsch „Chor Surselva“ ei vegnius fundaus igl onn 1983/1984 cun la finamira da cultivar la cultura da cant romontscha. El dumbra rodund 45 cantaduras e cantadurs ord l’entira Surselva. La pluralitad da quels ein commembras/bers da chors dil vitg. Aschia resulta ina scumiada da forzas e resursas denter las differentas uniuns. Il Chor ha el decuors dils onns adina puspei menau atras gronds ed ambizius projects cun grond success. Nus selegrein sin Vossa viseta!