Engadin Skimarathon 2026

Il Maraton da skis engiadinais è l’occurrenza da sport la pli gronda da la Svizra ed il segund grond eveniment da passlung da tut il mund. Dapi l’onn 1969 curran millis da participantas e participants la segunda dumengia da mars il traject dal maraton da 42 kilometers da Malögia fin a S-chanf u la distanza da mez maraton da Malögia a Puntraschigna. Sin il program da l’emna da maraton stattan plinavant la cursa da dunnas engiadinaisa ed il sport da notg engiadinais sco er numerusas occurrenzas en il vitg dal maraton a Puntraschigna.