Cuors intensivs da vallader a Sta. Maria

La Lia Rumantscha spordscha per incumbenza da l'Uniun dals Grischs cuors intensivs da rumantsch vallader a Müstair. Quists cuors pussibilteschan a tuot las persunas interessadas d’imprender, d’amegldrar o da perfecziunar la lingua scritta e discurrüda in Val Müstair e da tilla dovrar activmaing. Implü as survegna ün’invista illa cultura rumantscha, in special in quella ladina. Quai nu capita be illas lecziuns in classa, dimpersè eir dürant il program accumpagnant chi’d es facultativ. El as cumpuona da referats, d’excursiuns e da contacts cun persunas rumantschas. La lingua d’instrucziun es in tuot ils cuors rumantsch.