Premiera da film a Casti

RTR envida ils 16-01-2026 a la premiera dals dus films dals Cuntrasts «Brinzauls». Il film da Stefan Dobler «Responsabladad al limit – in onn cun Daniel Albertin» accumpogna il president communal durant il davos onn. In vair carussel d'emoziuns: a muments da plaschair suondan muments da nunchapientscha. En il segund film da Claudio Spescha «Bandunar e spazzar – u turnar e restar?» vai per la dumonda: Quo vadis Brinzauls? Bleras abitantas e blers abitants na vulan betg pli star a Brinzauls ed han suttascrit per ir davent. Auters spetgan cun brama da turnar suenter l’evacuaziun. Persunas pertutgadas ed autoritads discurran davart temas, quitads, speranzas e schliaziuns. Ils films vegnan mussads cun suttitels tudestgs. L'occurrenza è publica e l'entrada è libra. RTR sa legra sin numerusas visitas!