Atelier rumantsch

Tranter qua e là Sin ses viadis rimna Susan Hefuna regurdientschas en furma da chaussas: crappa, tailas, conchiglias, sablun. Tge prendessas ti cun tai d'in viadi da siemi? Nus concepin regalins da viadi giagls per prender cun sai. Ina promoziun linguistica tut speziala metta il Museum d'art dal Grischun a disposiziun cun la purschida da l'intermediaziun d'art en rumantsch. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa.