Café rumantsch a Casti cun visita da RTR

Ils Cafés rumantschs èn in lieu per discurrer rumantsch tant per glieud indigena sco era per persunas che emprendan la lingua. Els promovan il barat linguistic e cultural tranter la populaziun locala e las persunas novarrivadas. Ils 27 da schaner beneventain nus al Café rumantsch a Casti Marietta Cathomas, linguista RTR e Ladina Schena, moderatura RTR. En il center stat RTR ed il rumantsch ed en in’emprima part era la dumonda, pertge che RTR dovra ina linguista. Tematisads vegnan la creaziun da pleds, il svilup da la lingua, novas tendenzas en il rumantsch e co che RTR tracta quellas. Ellas sa legran da discurrer cun Vus da nossa lingua e co che RTR s’engascha per ella.