Musica vocala e da clavazin cun ina premaudiziun

Igl ensemble vocal Canto Classico da Berna sut la direcziun dil dirigent Willi Derungs presenta in program cun musica Svizzra. L'emprema part dil concert ei in omagi al cumponist Sursilvan Duri Sialm (1891 - 1961). Dad el vegnan presentau pliras canzuns per cant solo e clavazin, plinavon ovras per solists ed ensemble e tocs per clavazin solo. La secunda part dil concert vegn introducida cul toc "Max e Moritz" tenor Wilhelm Busch da Heinrich Sutermeister (1910 - 1995). Il cumponist demonstrescha co ins sa cumponir texts humoristics. Sper la vusch da melodia cantada fa el era diever dalla vusch en fuorma da declamaziun ritmica. Il toc vegn presentaus cun solists e solistas, ensemble vocal e clavazin a 4 mauns. Il punct culminont dil concert ei la premaudiziun "Ohne Kunst kein Leben" dil cumponist turitges Tullio Zanovello (*1962). Il cumponist, literat ed artist Zanovello ha creau quei ciclus da 5 arias da sias anteriuras operas per solists, ensemble vocal e clavazin a 4 mauns.