Da cuminonza a Ruschein - la sera dils treis

Ina sentupada cun Lucia Alpiger - flurista e possessura dil "Bluamagarta" Avon 25 onns eis ella vegnida a star cun sia feglia a Ruschein. Ed a Ruschein ha ella siu atelier, nua che ils matgs per la fiera jamnila a Cuera vegnan creai. Dapi in onn habitescha ella en l'anteriura casa da scola da Ladir. Lucia Alpiger ei carschida si el Toggenburg ed avon che vegnir a viver en Surselva ha ella fatg gronds viadis cun liungas dimoras egl exteriur, p.ex. en Columbia, en California ed el Mexico. Ella vegn pia a raquintar buca mo da fluras, mobein era aunc da tut autras caussas che s'audan tier sia veta. Ei dat ina sera per tudestg. L'entrada ei gratuita e beinvegnidas ein sco adina era persunas d'ordeifer.