Atelier rumantsch

Pertge e per co? Questa dumonda empruvain nus da respunder en l’exposiziun annuala. Ina promoziun linguistica tut speziala metta il Museum d'art dal Grischun a disposiziun cun la purschida da l'intermediaziun d'art en rumantsch. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa.