Ultimus producziun da teater

Samedan 1816: Ad es not e que naiva, que chi nun es ünguotta extraordinari düraunt “l’an sainza sted”. Quists mais sombers procuran eir a Vinzens de Salis-Sils (1760–1832) rumpatesta, scha eir pü poch pervi da l’ora: Per el saro que l’ultima sted in sia dmura samedrina. Nus inscuntrains ün hom pensiv ed a listess mumaint zinic, dischillus da la vita cun sias sconfittas, e Jacobea, sia duonna intelligiainta ed emanzipeda. Nus pudains contempler, cu cha quistas duos persunas, praschuneras da las aspettativas da lur temp, discutan e faun giò quint insembel. Scha zieva quella sted, chi nu d’eir’üngüna, s’ho auncha la spraunza cha tuornan meglders temps?