Oldtimer-Festival

Pil giubileum da 100 onns automobil el cantun Grischun semida il marcau vegl da Glion, en collaboraziun cun l'uniun da Oldtimerland Graubünden, en in festival dad Oldtimers da gener special. A quella caschun vegn la nova exposiziun speciala dil Museum „AutoGR100. Mobil atras la Surselva“ aviarta. Ils visitaders e las visitadras ein cordialmein envidai d’admirar quei bein cultural automobil. Il suentermiezdi dat ei la pussseivladad da far in cuort gir sco passagier cun in da quels autos.