"El cant dels ocells" - Chor da donnas Vaz colliescha generaziuns

Sut il titel «El cant dels ocells» - chanta il Chor da donnas Vaz mez zercladur a Lantsch ed a Zorten. La chanzun populara catalana, enconuschenta sin l’entir mund, deriva dal celist Pablo Cassals. I sa tracta d’in protest musical encunter suppressiun, vestgì en il tschivlottar dals utschels. A moda unica colliescha il Chor da donnas Vaz musica, istorgia ed emoziuns: Tar il concert mez zercladur èn Lea ed Eva Bläsi sin tribuna. Las duas musicistas èn las biadias dad Augustin Bläsi ch’ha fundà avant 50 onns il chor. Lea Bläsi è d’udir sco solista ensemen cun Nora Bertogg, Eva Bläsi sustegna il chor al clavazin. In concert cun musica sacrala, in orchester ad hoc, vuschs masculinas – ed in cler messadi per la pasch.