Casting per il teater el liber «1799 – Revolta ella Cadi»

Suenter la producziun da teater «La stria da Dentervals» il 2019 planisescha l’Uniun Dentervals la stad 2026 in ulteriur teater el liber a Mustér. Previu ei il toc «1799- Revolta ella Cadi». Per il teater el liber encurin nus ussa giugaduras e giugadurs, statistas e statists sco era cantaduras e cantadurs. 

Il casting ei ils 25 da matg 2025 allas 13.30 ella Sala Cuflons, Center Fontauna a Mustér Per saver gia ordavon circa contas persunas ch’ein presentas al casting, supplichein nus tei da s’annunziar sin dentervals.ch. Igl ei denton era pusseivel da vegnir spontan al casting. Leu orienteschan il regissur René Schnoz ed il dirigent Claudio Simonet davart il project ed il decuors dallas emprovas. Dapli informaziuns davart il toc sco era il formular d'annunzia anflas ti sin la pagina d'internet dentervals.ch Il comite d'organisaziun selegra sin tia participaziun!