Dieta davart las litteraturas grischunas e sairada cun Romana Ganzoni, Flurina Badel ed Andrea Paganini

Las midadas socialas e culturalas suenter l'onn 1945 èn stadas enormas en il territori alpin pluriling dal Grischun tant sco en las regiuns cunfinantas: Ina societad ch'è stada caracterisada per gronda part da l'agricultura ha vivì ina transfurmaziun fundamentala en ils secturs socials, tecnics, economis e culturals. Il medem mument han il turissem e las novas infrastructuras da traffic e producziun electrica influenzà fermamain ils maletgs da las cuntradas e damai er las percepziuns tant da la populaziun locala, da la populaziun immigrada sco er da turistas e turists. Questa dieta less intercurir co che questas midadas e transfurmaziuns e co che questas experientschas als e sur cunfins vegnan raquintadas, discutadas ed elavuradas entaifer la litteratura tudestga, taliana e rumantscha dal Grischun. La dieta ha lieu a l'Archiv svizzer da litteratura (Biblioteca naziunala) e vegn organisada cun l'Institut per la perscrutaziun da la cultura grischuna e da l'Universitad da Turitg.