Chantinadas

Corin Curschellas, Ursina Giger ed Astrid Alexandre sveglian chanzuns rumantschas en l'emprim concert da notg tard dal festival. Ensemen cun la chansonnière Astrid Alexandre e la chantadura da folkpop Ursina Giger metta la chantadura enconuschenta grischuna Corin Curschellas cun ses trio La Triada la quarta lingua naziunala svizra en il center e dat novas alas a chanzuns rumantschas cun umor, ina piztgada da jazz, in touch da chanson e cun ina porziun groove. La Triada va profund en ils archivs e porta chanzuns quasi emblidadas en il temp preschent. «Chantinadas» è in concert per sa laschar ir, talmain ferm, fin e ritg ch'ins vul adina tadlar dapli rumantsch!