BERG feat. Corin Curschellas

Corin Curschellas (vusch, dulcimer) Fabian M. Mueller (clavazin, synths) Kaspar von Grünigen (bass) Emanuel Künzi (drums) A l'origin da LA MUNTOGNA eran musica tradiziunala e trais musicists da jazz cun origin muntagnard e gust da l'experiment. L'emprim album da Berg - quella giada anc cun il tambur norvegiais Øyvind Hegg-Lunde - è cumparì il schaner 2020. En ils onns sequents è il repertori daventà uschè vast, multifar e plain fantasia sco in panorama da muntogna e consista en il fratemp principalmain dad originals da Fabian M. Mueller. Il 2023 è stà cumplettamain sut l'ensaina dal svilup da novs songs e da l'elavuraziun dad in nov album. Per in pèr tocs ha BERG mess ensemen cun Corin Curschellas: Corin Curschellas – la chantadura enconuschenta, pli vasta e tuttina er transfurmabla, che n'ha betg mo furmà il song rumantsch sco nagin auter, mabain era fatg ina turnea cun il Vienna Art Orchestra. La combi era perfetga, il tun era spert anflau.