Preschentaziun da la publicaziun «Zurück in Valendas»

Dapi ventg onns dat il vitg da Valendau da discurrer: Vegls edifizis èn vegnì renovads, in hotel ha pudì avrir sias portas, ina surbajegiada è vegnida fabritgada. Tut quai ha midà la vita en il vitg a moda fundamentala. Procurà per quest schlantsch ha l’iniziativa «Valendas Impuls». Grazia a quell’uniun stat Valendau oz simbolicamain per ina periferia prosperonta. L’autur da la publicaziun «Zurück in Valendas», Donat Caduff, è creschì si en in vitg vischinant, a Sagogn. El enconuscha Valendau dapi sia giuventetgna ed ha evocà las midadas ensemen cun ils iniziants al lieu. En pliras intervistas s’avischina el al temp dad oz e discurra cun protagonistas e protagonists davart lur engaschi. Raquinta quest cudesch la finala main l’istorgia d’in singul vitg – e plitost tge ch’ina cuminanza po cuntanscher sch’ella è be plain ardur e curaschi? Cun in pled accumpagnont da Köbi Gantenbein. La publicaziun vegn edida da la fundaziun Valendas Impuls e cumpara en la chasa editura Hier und Jetzt.