Prelecziun cun accumpagnamaint musical

Olga Prevost-Bazzell prelegia our da seis cudesch Rimas Poesias. Ella es nada als 26 schner 1937 a Sent e creschüda sü in ün ambiaint pauril. L'impuls da scriver istorgias e poesias ha ella survgni fingià dürant il temp da scoula da seis magisters. Plü tard ha ella scrit e ramassà bleras istorgias, reminiscenzas, raquints ed anecdotas. Dumenic Andry disch: «Seis texts muossan ün fin umur, ün grond dun d'observaziun e sensibilità ed üna buna memoria. I sun documaints prezius pell'istorgia locala, d'ün ambiaint ed ün temp, e descrivan la mentalità da l'Engiadina Bassa.» Accumpagnada vain la prelecziun da Yuliia Shevchenko da Kiew ill’Ucraina, chi abita daspö duos ons a Berna, es magistra da bandura e sopranista, fa surtuot musica populara da l’Ucraina.